Претпладнево изби пожар во два стана во зграда спроти ОУ „Лазо Ангеловски“ во скопската населба Ново Лисиче. Чадот е раширен низ целата населба, јави порталот Република.

Пожарникарите од скопската бригада се на терен и работат на гасење на пожарот. Како што претходно информираше „Република“ на лице место пристигнал и трет противпожарен камион.

Пожарникарите од скопската противпожарна бригада во моментот извлекуваат луѓе од запалениот стан во зградата во Ниво Лисиче.

Владимир Симоновски, командантот на противпожарната бригада,  за „Макфакс“  изјавил дека додека на една страна се гаси пожарот, од соседната соба се извлекува станарка.

„Во соба веднаш до онаа каде што избил пожарот има жена која што оди на дијализа. Сега ја извлекуваме“, рече командантот Симоновски.

Соседите, и случајни минувачи кои биле сведоци на пожарот кој избувна претпладнево велат дека пожаникарите извлекле и жена заглавена во лифотот откако избил пожарот.

Запалениот стан е на булеварот „АСНОМ“ број 64 во Ново Лисиче. Станарите велат дека причина за пожарот била плинска боца.

Пред само два дена како последица на плинска боца, во кумановското село Романовце животот го загубија три деца, а вчера на повредите им потклекна уште едно лице. Останатите пет лица се тешко повредени при експолозијата на плинска боца која настанала во семејна куќа и се здобиле со тешки изгореници.

Денеска во Куманово е ден на жалост.