Голем пожар избувна денеска во стан на петти кат на улицата „Народни Херои“ во Општина Кисела Вода.

Пожарот во моментот го гаснат 25 пожарникари со 10 возила, потврдија за МИА од Територијалната противпожарна единица на Град Скопје.
На терен се излезени екипите на брза помош и на полицијата.

Според најнови инфорамции направена е голема материјална штета а пожарот се проширил на другите станови од петтиот кат. Пожарникарите ги згрижија на безбедно децата од станот што се наоѓа над опожарениот со помош на скала.

Еден пожарникар е повреден при гасењето на пожарот, и со возило на итна медицинска помош итно е пренесен во најблиската болница. Заробени се и неколку лица во становите кои се наоѓаат околу опожарениот стан. Пожарот се уште беснее.

Повеќе информации наскоро.