Трагедија вчера го потресе Скопје, МВР информираше за сообраќајната несреќа со смртни последици.

Шеесет и три годишниот П.В. од Волково е велосипедистот кој вчера доцна поладне беше усмртен во скопско Влае.

Од полицијата денес информираат дека несреќата е регистрирана на улицата .„Ацо Шопов“ во Скопје.

-„Фолксваген пасат“, со скопски регистарски ознаки, управувано од М.А.(46) од с.Сарај, удрило во велосипедистот П.В.(63) од с.Волково. Од здобиените повреди велосипедистот починал на местото на незгодата, информираат од МВР.

Извршен бил увид од Јавен обвинител и увидна екипа на СВР Скопје.

МВР исто така информираше дека изминатите 24 часа се случиле 13 сообраќајки во Скопје.

Еден велосипедист е загинат, двајца пешаци и еден велосипедист се тешкo повредени, а пет лица се здобиле со лесни телесни повреди во шест од вкупно 13 сообраќајни незгоди што се случиле изминатото деноноќие на подрачјето на Град Скопје. Во шест сообраќајни незгоди е причинета материјална штета.

Од сообраќај, според податоците на СВР Скопје, полицијата исклучила три нерегистрирани возила и еден возач пред да се стекне со право на управување на моторно возило.

Со специјалното возило „пајак“ подигнати се 60 возила.

Санкционирани се и еден возач кој поминал крстосница на црвено светло и еден за не правилно престигнување.