Тој беше еден од најбараните криминалци во Шведска, осомничен за трговија со дрога и осуден за шверц на цигари и алкохол.

Фламур Албанецот Алекс Беќири (36), еден од најбараните криминалци во Шведска, беше убиен во Лондон на Бадник пред неговата сопруга и детето.
Тој бил изрешетан со најмалку десет куршуми пред неговиот дом во вторникот вечерта во Батерси.

Неговата сестра се обидела да ги санира повредите, но не успеала да го спаси. Убиецот побегнал, а полицијата моментално е во потрага по осомничениот.

Инаку, Беќири порасна во Малме, а неговите родители се од Косово.

Беќири беше прогласен за еден од најбараните криминалци во Шведска во 2008 година, кога беше дел од организирана банда што шверцуваше канабис вреден два милиони фунти.

Обвиненијата подоцна беа отфрлени, а тој беше прогласен за виновен за шверц на цигари и алкохол и осуден на условна казна.

Шведски извори соопштија дека Беќири, кој имал врски со криминалци со шведското подземје, се преселил во Велика Британија.

Дали продолжил да се занимава со криминал, сè уште не е познато, но се знае дека тој имал скапа куќа и дека се оженил со својата сопруга Дебора Красниќи со раскошна церемонија на езерото Комо.

Беќири, за кој се верува дека има две мали деца, меѓу кои и новороденче, стана 146-та жртва на убиството во Лондон во 2019 година.