Минатата ноќ од 23 часот синоќа до 5 часот утрово, полиција во Скопје беше во голема акција за казнување на несовесни возачи кои возат под дејство на алкохол.

„Кај 33 возачи утврдено е присуство на алкохол и сите биле исклучени од сообраќај и соодветно санкционирани. На 27 од нив им биле одземени возачките дозволи. Откриени се и 48 останати прекршоци, при што се издадени 26 прекршочни платни налози и 22 мандатни платни налози“, соопшти СВР Скопје.

Санкционирани се четири возачи поради поминување на крстосница на црвено светло, четири возачи поради недавање првенство на минување на пешаци, шест возачи поради неправилно престројување, еден возач поради неправилно престигнување, четири возачи на мотоцикли поради неносење заштитен шлем, осум возачи поради неносење сигурносен појас за време на управување на моторно возило и седум возачи поради користење на мобилен телефон при управување на возило.

Во текот на изминатиот ден издадени се 77 мандатни платни налози и 84 возила се подигнати со специјално возило „пајак”.