Десет лица се приведени во вчерашниот протест одржан пред Собранието на Република Македонија, а по изјавите дека државата ќе го промени Уставот и уставното име во Република Северна Македонија.

Од МВР денес информираат дека за време на собирот, во 20.30 часот, дел од масата, во која имало и група на лица кои биле маскирани со „фантомки“, кон Собранието и кон кордонот од полициски службеници почнале да фрлаат со шишиња, пиротехнички средства, шипки, конзерви и еден молотов коктел (незапален).

Лицата се приведени во Полициската станица Центар поради нарушен јавен ред и мир.