Полицијата пронајде 9.900 капсули „трамадол“ кај двајца прилепчани, ги набавувале во аптека од Велес.

Како што соопшти МВР, на 15.08.2019 година по наредба на јавен обвинител полициски службеници при претрес во домот и објекти кои ги користеле пријавените на улицата „Гостиварска“ и улицата „Тризла“ одземени се вкупно 9.900 капсули од лекот „трамадол“, кои ги набавувале во аптека од Велес.

Надворешната канцеларија за криминалистички работи од Прилеп поднесе кривична пријава против З.Р. (50) од Прилеп и Е.А.(23) од Прилеп поради постоење основи на сомнение за сторено кривично дело „производство и пуштање во промет на штетни средства за лечење“.

Исто така надворешната канцеларија за криминалистички работи Прилеп, минатиот месец поднесе кривична пријава против 35-годишна прилепчанка, поради производство и продажба на штетни лекови.