Кубански лекари се подготвени во секое време да и помогнат на Земјава доколку е потребно, вели амбасадорката на Куба во земјава Каридад Јамира Кието Милиан.

– Куба е подготвена да соработува со било која земја во светот. Да се спротивстави не само на коронавирусот, туку и да помогне во секој случај на итност или болести. Во моментов имаме кубански доктори во 59 земји во светот, а во 37 земји од нив се борат со ковид. Во целост 39.000 кубански доктори служат со луѓето низ светот за да се спротивстават на пандемијата. Секако, ние ќе бидеме подготвени да и помогнеме на Македонија и на македонскиот народ за оваа цел – вели за ТВ Канал 5, Милиан.

Куба има 9 лекари на 1.000 жители, најмногу на светот според Светската здравствена организација. 

Куба е најголемата островска земја во групата на Големите Антили. Таа од сите страни е опколена со водите на Атлантскиот Океан на исток, Мексиканскиот Залив на север и Карипското Море на југ.

Куба има издолжен облик во правец исток-северозапад долг 1200 км со просечна широчина од 110км. Во овие граници таа зафаќа површина од 110 860 км². На тој простор денес живеат над 11 милиони жители.