Попис е редовна статистичка операција во секоја нормална држава со нормално функционирање на законите, со нормална власт и нормални институции.

Во сите досегашни пописи постоело прашањето за етничка припадност и тоа е слободно изјаснување на граѓанинот согласно Устав.

Меѓутоа треба да се има и во предвид дека секако јавноста и граѓаните се доста заинтересирани за прашањето на етничката припадност, секако колку сме, какви сме, посочува Дончо Герасимовски, поранешен директор на Државниот завод за статистика.

Герасимовски образложи дека во препораките за етничката припадност стојат етно-културошки карактеристики.

Овие етно-културошки карактеристики спаѓаат етничката припадност која е споредбен белег, потоа е религиозната припадност која е споредбен белег и јазикот односно мајчиниот јазик кој исто така е споредбен белег. Затоа во препораките има главни споредбени изведени белези. Потребите се или препораките секогаш велат задолжително да се применуваат меѓународните стандарди, регионалните, а треба да се има во предвид и локалните.

Тоа што значи доколку државата има потреба за било која карактеристики или белег внатре бидејќи податоците се добиваат од белезите кои што ќе бидат навадени во прашалникот, во образецот или онака кој ќе оди сега како апликација за внесувањето на податоците по електронски пат. Тоа значи тие сите податоци ќе се прибираат во тие белези. – потенцираше Герасимовски.

Целта на пописот е да обезбеди целосни, квалитетни, ажурни и меѓународно споредливи статистички податоци за населението, домаќинствата и становите за задоволување на потребите на корисниците во државата и во странство.

Пописот е најобемно статистичко истражување во однос на единиците што се попишуваат и најмасовно во однос на бројот на учесниците што учествуваат во неговото спроведување. Пописот се подготвува неколку години пред неговото спроведување на терен, а податоците се обработуваат подолг временски период по прибирањето од теренот.

Првиот современ попис на територијата на Република Македонија е спроведен во 1921 година. По Втората светска војна, во Република Македонија се спроведени 8 пописи: 1948, 1953, 1961, 1971, 1981, 1991 и 1994 и 2002 година. Пописот во 1991 година беше со нецелосен опфат и затоа во 1994 година повторно е спроведен попис во истата декада. Пописот во 1994 година е прв попис во Република Македонија по нејзиното осамостојување.

Пописот во 2002 година е последниот спроведен попис во Република Македонија по што беше направен обид во 2011 година кој беше приказна сам по себе.