Репрезентацијата на Македонија вечера загуби на гостувањето во Запорожје кај Украина со 3:1 во 5.коло од квалификациите за Европското првенство.

Првите два сета ги доби Украина со 25:19 и 28:26, следуваа моменти на „црвено-жолтите“ и радост во третиот сет по 25:23, за во четвртиот сет домаќините да го решат мечот по 25:23.

Македонските одбојкари по овој пораз значително ги намалија шансите за пласман на евро-шампионатот, со оглед на победата на Швајцарија против Унгарија на другиот натпревар од оваа рунда во Ф-групата.
Македонија на 9 јануари ќе брка победа против Унгарија и ќе чека поволни резултати на натпреварите во другите групи за да биде меѓу второпласираните што ќе одат на ЕП.