Денеска во обвинителството беше повикана поранешната директорка на Кожната клиника во Скопје, Нина Цаца- Билјановска поради тоа што не ја платила казната од 10 илјади евра која и беше одредена за ширење на заразна болест.

Екс директорката на кожна клиника денеска седна на обвинителна клупа. Обвинителството првично и изрече казна од 10 илјади евра, но неплатениот казнен налог сега е обвинителен акт. Денешното рочиште против Билјановска се одложи бидејќи нејзината одбрана се уште ги чека доказите од лекарската комора, здружението на дерматолози и скопските клиники. Следното рочиште е закажано за 17 септември.

За потсетување, Билјановска беше меѓу првите пациент позитивни на корона вирус со земјава. Таа и покрај тоа што имаше симптоми на вирусот корона, сепак одела на работа а нејзиното неодговорно однесување предизвика бурни реакции во јавноста.

Билјановска беше вратена од скијање во Италија, неколку дена одеше на работа, прегледуваше пациенти, а присуствуваше и на меѓународен симпозиум. Откако се утврди дека е позитивна на вирусот, Клиниката за кожни болести со месеци беше затворена, а нејзините колеги завршија во излоација.   

Билајновска беше експресно разрешена од директоската позиција, а лекарската комора ја чека правосилната пресуда за да одлучи дали ќе и биде одземена лиценцата за работа. Во меѓувреме, Билајновска минатата недела се врати на своето работно место на Клиниката за кожни болести.