Техничкиот премиер Оливер Спасовски и поранешен прв човек на МВР, вели дека сите бомби СДСМ ги предал на Специјалното јавно обвинителство и ги повика институциите да истражеле кој тоа ги пуштил снимките меѓу пратеникот на ВМРО-ДПМНЕ Антонијо Милошоски и неправосилно разрешениот претседател на Врховен суд Јово Вангеловски.
„Сѐ е предадено во СЈО и нема ништо останато во седиштето на партијата, ниту пак има потреба. Јас не ги слушнав снимките, но знам дека се објавени. Ги повикувам институциите да истражат од каде и зошто се пуштени. Треба да има нулта толеранција за оваа работа. Институциите и државните органи треба да си ја завршат работата, да преземат мерки и санкции“, рече Спасовски одговарајќи на новинарско прашање на денешната прес-конференција во Владата за растот на бруто домашниот производ.
Од друга страна пак, наши информации тврдат дека е многу лесно да се истражи кој тоа ги постирал снимките за пратеникот Милошоски. Имено и кој да постирал може да се најде по таканаречената IP адреса која се вчитува кај Јутубе.
Вчера попладне на каналот Јутјуб беа објавени 5 телефонски разговори на Антонијо Милошоски со експретседателот на Врховен суд Јово Вангеловски и со уште еден врховен судија и едно женско лице. На петте снимки се слуша како Милошоски ургира кај тогашниот претседател на Врховен суд Вангеловски, во врска со предмет на Здружение на возачи Кичево, во кој е вмешан неговиот татко.
На својот личен фејсбук профил вчера се обрати пратеникот Антонио Милошоски. Во овој период тој е актуелен поради јавното изнесување на снимки кои потврдуваат мешање на извршната во судската власт и кршење на основното начело на демократијата, – независното судство. Откако во јавноста ги пласираше снимките во кој главен актер е екс премерот на Македонија – Зоран Заев и тие сведочат за неговиот удел во корупцијата на системот, Милошоски беше повикан од страна на ОЈО да ги предаде сите материјали со цел да се увиди дали постои основано сомнение дека станува збор за повреда на правото. Доколку ОЈО врз база на снимките заклучи дека правото е повредено треба да покрене обвинение.
Но наместо да ја чека одлуката на системот на правдата З.З, согласно наводите на Милошоски, објавил снимени материјали кои имаат за цел да го деградираат, да му направат притисок и да го замолчат. Интересно во обраќањето на Милошоски е тоа што тој изнесе сомнение дека снимките за кои З.З (со јасно алудирање на екс премиерот) тврдеше дека се предадени на СЈО и дека не поседува коппи, сеуште се средство за негова манипулација и уцена на пратениците.
»Почитувани новинари,
вечерва беа објавени 5 од 6 мои снимки, нелегално направени од УБК во 2011 година, во времето на Мијалков.
Дозволете да Ве известам дека го знам лицето кое нелегално ги поседува копиите од сите снимки од СЈО, лично ја координира селекцијата и ја нарачува нивната објава. Тоа е лицето З.З., оној кој лажно тврдеше дека ги предал сите снимки на СЈО и дека не поседува копии од истите.
Господине З.З., со објавата на овие снимки докажавте дека без истите Вие не сте можеле да уценувате пратеници, да рекетирате стопанственици, да заплашувате сопственици на медиуми, и да бидете и обвинител, и премиер, и судија истовремено. Изгледа силно Ве здоболе објавата на двата материјали за вашите незаконитости, кои ми беа доставени од укажувач. И во право сте, допрва ќе ве боли.
Како дојдовте, така ќе си одите!
Укажувачите ќе стануваат се побројни и се посмели, а јас уште помотивиран и во служба на јавниот интерес.
Ќе Ве отворам како пупка!
Се слушаме наскоро #ТикТак
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.