Новинарката Драгана Трипиќ ќе биде погребана во вторник во 13:00 часот на гробиштата Лесче во Белград. 

Како што се наведува, точно на пладне е планирано да започне погребот на српската новинарка Драгана Трипиќ која пред два дена изврши самоубиство во својот стан во Белград. Нејзиното тело го пронајде нејзината ќерка Александра. 

Како што пишуваат српските медиуми, причина за самоубиството на Драгана е кредитот која не можела да го плаќа во швајцарски франци.

Цела Србија се уште е во неверување по самоубиството на познатата новинарка Драгана Трипиќ (58) која пред два дена беше пронајдена мртва во својот стан од страна на својата ќерка.

Според српските медиуми Драгана во последниот период била депресивна поради долговите и кредитите, а во ова малкумина веруваат поради фактот што таа секогаш била насмеана, позитивна и голем борец.

Трагедијата најмногу ја погоди нејзиното семејство, а ќерката која вчера ја пронајде мртва нејзината мајка се огласи на својот Инстаграм-профил.

– Мама нека те чуваат ангелите, напиша Александра споделувајќи црно бела фотографија од покојната мајка.

Инаку, само 16 часа пред смртта таа на својот Фејсбук профил споделила фотографија на која со насмевка на лицето ја бојадисува својата столица со посебна метода, а на тој начин се релаксирала.