Научниците одамна тврдат дека повисоките температури на воздухот придонесуваат за одмрзнување на ледените површини на Гренланд, а новите истражувања открија нова закана за глечерите.

Топлите океански води што се движат под огромните глечери го засилуваат и го забрзуваат нивното распаѓање, пренесува Си-Ен-Ен. Ова откритие беше објавено во понеделникот во списанието „Nature Geoscience“ по научната студија за еден од многуте „ледени јазици“во подрачјето на Гренланд.

Ледени јазици или се вели за мраз кој лебди на водата, а не се одвојува од мразот на копното. Научниците моментално работат на откривање на ваква појава а студијата открила подводна струја широка скоро два километра, каде што топлата вода од Атлантикот би можела да тече директно до глечерот, доведувајќи огромни количини на топлина во контакт со мразот, што го објаснува забрзувањето на распаѓање на глечерите.

„Сега е јасна причина за ваквото брзо распаѓање“, вели Жанин Шафер, океанограф на германскиот институт Алфред Вегенер. Научниците открија слична струја во близина на друг глечер на Гренланд, каде огромен леден јазик избувна и се упати кон океанот. Затоплувањето на огромни количини мраз во Гренланд во моментов е најголемиот двигател на глобалното покачување на морското ниво, а според студијата во декември од списанието „Nature“, мразот на Гренланд се раствора седум пати побрзо од 1992 година.

Таа ледена покривка има доволно вода за да го подигне нивото на морето повеќе од седум метри. Минатото лето е забележано рекордно ниво во голем дел од Арктикот предизвикувајќи топење на 11 милијарди тони ледена површина на Гренланд за само еден ден, велат научниците.

Само во јули беа растопени  197 милијарди тони мраз на Гренланд.

Температурите на водата исто така ги срушија рекордите во 2019 година. Според студијата објавена во списанието „Унапредувања во атмосферските науки“, температурите на океаните минатата година биле 0,075 степени Целзиусови што е над просекот од 1981-2010 година.