Семејството на исчезнатиот скопјанец Пандо Лазаревски по два дена споделија тажна информација на социјалните мрежи, тој е пронајден починат.

Семејството се заблагодарува на сите кои се вклучија во потрагата.

-Ви благодарам на сите за споделувањата, за жал потрагата заврши трагично, чичко ми е пронајден починат. Нека почива во мир, пишува Милена Лазаровска на Фејсбук.

Лазовски исчезнал во петокот. Излегол од домот во Топанско Поле во раните утрински часови. Пандо имал околу 80 години, немал знаци на деменција, имал проблеми со слухот и потешкотии со движењето.

Апелот за помош беше споделен на социјалните мрежи.

Ова не е прв случај во Скопје исчезнатите лица да бидат пронајдени починати на скопските улици.