Марија Витанова (25 години), ќерка на македонскиот конзул во Италија, Стојан Витанов од Струмица и неговиот внук од брат, Методи Витанов (26 години), се загинатите во тешката сообраќајна несреќа која се случила утринава околу 04:00 на улиците во Пјаченца, Италија.
Македонското Министерство за надворешни работи потврди дека утрово двајца млади македонски граѓани загинале во сообраќајката што се случи во Пјаченца.
Автомобилот „Рено Клио“ удрил во дрво и веднаш се запалил, па кога пристигнале спасувачите екипи веќе било предоцна.
Како што објавија тамошните медиуми, оваа несреќа е една од три сообраќајни несреќи кои завршиле со фатални последици во последните десет дена.
Се претпоставува дека во Италија живеат и работат над 50 илјади Македонци, кои заминале најмногу во последниве десетина години.
Најмногу граѓани се иселиле од Струмица, а освен од Струмица иселенци во Италија, како што тврдат нашинците што со години живеат таму, има од источните градови на Македонија, Кочани, Делчево, Берово, Валандово, Пробиштип, Виница и Македонска Каменица. Освен во Пјаченца ги има и во Тревизо, Милано, Болцано, Мерано.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.