Два млади животи вчера предвреме згаснаа на улица во Пјаченица – Италија. Автомобилот во кој биле Марија и Методиј Витанови имал силна експлозија откако претходно двајцата млади удриле во автомобил и во ограда покрај патот.

Од силината на експлозијата се разбудило соседството во Пјаченица, кое сведочело на стравични сцени при извлекување на телата на загинатите од уништениот автомобил.
Марија Витанова и Методиј Витанов, биле први братучеди, а во Италија претојувале поради конзулскиот ангажман на Столе Витанов, инаку татко на настраданата Марија Витанова.

Во моментот кога Мартија и Методиј го изгубиле животот таа имала 25, а тој 26 години.
Ова случка силно ги потресе сведоците на тешката сообраќајна незгода, но и граѓаните во Македонија.

Откако вчера стигна веста за трагичната смрт на членови од семејството на конзулот во Италија, многумина со неверување и ужас ја примија веста.

Стојан Витанов е струмичанец кој на македонската јавност и стана познат во 2017 година.

Користејќи го правото за повлекување на своето семејство, Столе Витанов по добивање на конзулската позиција ги повлече најблиските членови од неговото семејство.

Се тврди дека сообраќајната несреќа настанала откако Марија која била на гости кај својот братучед се враќала дома.
Засега официјално е потврдено дека двете загинати лица во тешката сообраќајна незгода во Италија се Марија Витанова (25) и Методиј Витанов (26).

Другите детали од сообраќајната незгода сеуште не се потврдени и целосно истражени.

Во италијанските медиуми може да се прочитаат различни верзии на тоа што се случило кобната ноќ.

Некои пишуваат дека возилото изгубило контрола по удар во друго возило на кружен тек. По губење на контрола, возилото удрило во ограда покрај патот по што дошло до стравична експлозија.

Според друга верзија од приказната возилото удрило во дрво покрај патот по што веднаш дошло до експлозија.

Денеска другарите од родна Струмица се простуваа од Марија со срцепарателни пораки. А многумина уште со неверица и вчудоневиденост пристапуваат кон веста за нејзиното прерано загинување.