Во ГОБ ,,8 Септември”, на 64 годишна возраст, почина д-р Арификмет Деари, уролог од Тетово. Д-р. Деари беше хоспитализиран заради невролошки проблеми, но и позитивен на ковид-19. По 15 дена болничко лекување ја загуби битката со болеста, информира на Фејсбук министерот за здравство Венко Филипче.

Д-р Деари кој беше само на неколку месеци до пензионирањето, е првиот лекар кој почина од компликации на корона вирусот. Изразувам жалење и длабоко сочувство до неговото семејство.

Апелирам до моите колеги здравствените работници да се чуваат и заштитуваат, на работното место соодветно на протоклите, но и надвор од него. Апелирам и до граѓаните да ги почитуваат мерките, да се заштитат себеси, здравствените работници и сите свои сограѓани, рече Филипче!

Корона кризата потврди дека здравствениот систем е еден од основните столбови на државата. На вчерашната прошетка со Радмила Шекеринска низ Охрид Филипче разговараше за идните здравствени приоритети за градот, но и за целата држава.

Продолжуваме да градиме силен и одржлив здравствен систем за сите, да ги јакнеме капацитетите на јавното здравство, да работиме на професионалниот дигнитет и мотивација на медицинските работници и да создаваме услови за нивна иднина и професионална кариера во нашата земја. Продолжуваме со нови проекти за здравствените работници и инвестиции во подобро здравство, рече Филипче!