По кратко боледување на 86-годишна возраст денеска почина Проф. Др. Методи Чепреганов, специјалист по невропсихијатрија и епилептологија информираше болницата Неуромедика.

„Со огромна жалост би сакале да Ве известиме дека денеска по кратко боледување почина нашиот ценет и почитуван Проф.Др.Методи Чепреганов се вели во објавата од болницата каде што работеше од 2005 година.

Д-р Чепреганов беше дел од Европската асоцијација за клиничка неврофизиологија и епилептологија за земјите од Француско говорно подрачје; Невролошка асоцијација на Франција. Награден е со орден Palmes Academiques од страна на Првиот министер на Франција во името на Министерството за наука.