62 годишен пациент од Хрватска починал вчера вечер поради кобна грешка на лекарите. Имено тој починал за време на рутинска постапка на хемодијализа, поради, како што соопштија од болницата, вбризгување на недозволено средство.

Соња Тошиќ Грлач која е претседателка на Управниот Одбор на болницата во Чаковец, изјави дека пациентот на хемодијализа починал, откако по грешака му бил вбризган дезинфисиенс и изрази сочувство до семејството на починатиот.

Поради оваа грешка која го чинеше смрт 62 годишниот пациент избркани се од работа двете сестри. Запрашана како воопшто е можно да се случи таква грешка, Тошиќ Грлач нагласи дека дезинфисиенсите во болниците се вообичаени средства што постојано се наоѓаат на количките на медицинските сестри.

-Грешка е можна и, за жал, се случи, изјави Тошиќ Грлач.

Таа додаде дека ќе биде спроведен професионален интерен надзор, откако ќе се обезбедени изјави од учесниците во немилиот настан.

-Сè ќе биде подложно на анализа. Интерната комисија ќе разговара со сите страни во случајот и ќе донесе мислење по што ќе дојде на ред и инспекција од Министерството“, Утрово болницата го извести семејството. Денеска нè посети полицијата, Државното Обвинителство. Нив ги интересира што се случило и чија е вината. Зедоа и некоја документација, вели Тошиќ Грлач.

Телото на починатиот пациент е превезено во Заводот за судска медицина и криминалистика во Загреб каде треба да се утврди од што точно настапила смртта.