Пратениците по “скратена” постапка ги изгласаа сите предлог измени на Закони и новиот состав на ДИК а по прегледот во матичните комисии ќе се прегласаат одлуките. Дневниот ред беше изгласан со 99 гласови.

Без дискусија – со 100 гласа “за” беше изгласан новиот состав на Државната изборна комисија.  Оливер Дерковски од ВМРО-ДПМНЕ ќе биде претседател на Комисијата а негов потпретседател ќе биде Дитмире Шеху од редовите на ДУИ. Елизабета Постоловска е избрана како член од ВМРО-ДПМНЕ. Борче Кондарко – Јанакие Витановски и Радица Ристевски се членови од СДСМ. Во ДИК од партијата Беса на Касами ќе биде Енвер Салиу.

Со 93 гласа “за” и 1 “против” се изгласа потребата измените во Изборниот законик кои се однесуваат на финансирањето да се донесат по скратена постапка.

Измените за Законот за Влада и Законот за финансирање на партиите беа едногласно изгласани со 96 гласа.

Гласањето за потребата законите да се носат по скратена постапка помина без образложување од страна на предлагачите.