“Ова до нас се двајцата министри кои не добија датум за ЕУ, а ова на сликата пред мене се истите министри кои лани го прославија добивањето на датумот. Се е надевам дека денеска ќе објаснат како е тоа можно, каде по пат го изгубија датумот за ЕУ кој го објавија“, рече пратеникот Антонио Милошоски од ВМРО-ДПМНЕ.
На собраниската комисија за европски прашања на која се дискутира за неуспехот на нашата земја со недобивањето на датумот за преговори, Милошоски реагираше на тоа што министерот за надворешни работи Никола Димитров лукаво ја одбегнува матичната комисијата за надворешна политика, на која според законот за надворешни бил поканет пред десет дена, а неа ја води токму пратеникот Милошоски.
Милошоски: Двајцата министри, Димитров и Османи, кои лани ширеа лажни вести дека Македонија добила датум за ЕУ, денес ќе бараат изговори за правдање на реалните вести дека Македонија доживеа национален неуспех! Министрите кои пред една година потрошија 200.000 евра за концертите на кои го тераа народот да се радува за лажниот датум од ЕУ, денес ќе праќаат пораки дека народот не треба да се разочарува и дека треба уште да им верува! Димитров и Османи денес ќе ви раскажат анализи за одговорноста на некои политичари од Данска, Франција и Белгија, но нема да слушнете ни збор за нивната одговорност, гаранциите и лажните ветувања дека Македонија ќе добие датум за ЕУ!
-Министрите кои ширеа лажни вести сега ќе треба да објаснат дали Македонија плати превисока цена за ЕУ? Да. Дали целта е постигната; тоа ќе треба да го одговорат Османи и Димитров. Двајцата ќе зборуваат за одговорноста на странски политичари, ќе ви објаснуваат за Брегзит и Кина, но не и за нивната одговорност. Тие ќе понудат манипулативни објаснувања ќе се откажат и од нивните лански изјави, но нема да се откажат од министерските фотељи. Ние нема да учествуваме во ваква пародија. Денеска нема да ја расипеме вашата провладина забава, а за вистинска критика и дискусија дојдете утре на Комисијата за надворешна политика, заедно со министерот Димитров – рече Милошоски. По оваа изјава пратениците на ВМРО-ДПМНЕ ја напуштија салата.
Вицепремиерот Османи вели дека тоа што Европскиот совет не постигна консензус за давање датум е историска грешка и неправда, но како што вели чувството на разочарување не треба да не оддалечи од патот на реформи и пријателството со другите држави. Со одлуката од јуни минатата година го започнавме обврзувачкиот скрининг, сите признанија нè охрабрија да ја очекуваме позитивна одлука. Оваа седница не е свикана за да си честитаме, по што доби аплауз од присутните пратеници на владеачкото мнозинство.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.