Првата дама на САД, Меланија Трамп, се огласи за прв пат откако вчера беше објавено дека нејзиниот сопруг Доналд Трамп загуби на изборите и го повтори својот став дека треба да се преброи секој законски даден глас. 

Американскиот народ заслужува фер избори. Треба да се смета секој легитимен глас, а не незаконскиот глас!

Ние мора да ја заштитиме нашата демократија со целосна транспарентност – напиша таа на Твитер.

Иако победата на Бајден сѐ уште не е официјално потврдена бидејќи неколку сојузни држави и натаму бројат гласови, тој почна да ги прави плановите за преземањето на власта во јануари, што предвидува и поништување на неколку извршни наредби потпишани од Трамп.

Џо Бајден, избраниот претседател на САД има богатство во вредност од 9 милиони долари, пренесоа американските медиуми повикувајќи се на проценките од магазинот Форбс.