Тевдовски и Заев денес на месец и половина пред избори ќе ја задолжат Република Македонија за нови 130 милиони евра, изјави на прес-конференција портпаролот на ВМРО-ДПМНЕ Димче Арсовски и запраша:
„Дали власта се задолжува над 130 милиони евра со цел изборна корупција. Каде ќе завршат милионите на граѓаните на Република Македонија кои треба да ги враќаат истите со камата? Дали истите се наменети за изборен поткуп исто како сите оние вработувања кои што во моментов се реализираат?“
Арсовски констатира дека спиралата на задолжување веќе не може да запре, а СДСМ ја води државата кон инсолвентност со тоа што само за две години колку што се на власт го зголемија јавниот долг за над половина милијарда евра со што истиот надмина 5 милијарди евра и е над 50% од БДП.
Арсовски потенцира дека со оваа темпо на задолжување државата се движи кон границата на инсолвентност, што за многу кратко време ќе предизвика државата да има проблем со отплаќање на долговите.
-Задолжувањето како инструмент за финансирање е дозволиво единствено само доколку со него се извршуваат капитални инвестиции. Во моментов знаеме дека нивото на капиталните инвестиции е многу ниско. СДСМ во изминативе две години не направи ниту еден инфраструктурен проект. Нивото на реализација на капитални инвестиции минатата година изнесуваше очајни 65%, од она што го предвиде владата, што е најниско ниво до сега забележано, истата пракса продолжува и оваа година, имено во јануари нивото на реализација на капитални инвестиции изнесува само 1%, што е доволен показател дека и оваа година, исто како и минатата нема да има ниту еден капитален проект, рече Арсовски и додаде:
„СДСМ покажа дека не знае да ја води државата. Со СДСМ, Република Македонија само тоне во долговите. Претседателските избори се првата можност граѓаните да му кажат едно огромно НЕ на СДСМ, што ќе биде повод за предвремени парламентарни избори, со цел промена на оваа расипничка власт.“
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.