Утре попладне нестабилно време во Македонија. Нестабилно време ќе биде проследено со облачност, пороен дожд, грмежи и засилен ветер.
Под влијание на висински циклонски систем од утре попладне па во следниот период следува значително понестабилна атмосфера па така особено од пладневните часови па натаму на повеќе места ќе има развој на нестабилна облачност проследена со пороен дожд, грмежи и засилен ветер.
Локално поради големата енергија која ќе ја има во атмосферата процесите ќе бидат ИНТЕНЗИВНИ и во форма на НЕВРЕМЕ проследено со интензивен пороен дожд, силни електрични празнења, силен ветер и појава на град.
Максималните дневни температури на воздухот ќе бидат во незначително опаѓање што значи топлото време со летни температури и понатаму продолжува.
ПРЕДУПРЕДУВАЊЕ: Во текот на следниот период во случај на појава на електрични празнења да не се претстојува на отворен простор и под осамени дрвја поради тоа што и тоа како атмосферата е загреана и исполнета со енергија поради топлотниот бран што изминативе денови ја зафати нашата држава.
Подготви: Славчо Попоски
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.