Обвинителството за организиран криминал ги потврди информациите на МКД.мк дека при претресот во куќата на осомничената пратеничка на СДСМ Фросина Ременски за новата истрага за случајот „Рекет“ се најдени доверливи документи. Новата истрага за случајот „Рекет“ се води за невладината организација Меѓународен сојуз на Бојан Јовановски, чиј почесен претседател беше Фросина Ременски.

При претрес на домот на осомниченото лице се пронајдени документи и за нив се известени институциите од каде што потекнуваат документите и кои се надлежни за преземање на понатамошна постапка. Документите што ги наведувате во вашето прашање не се пронајдени при претресот, се вели во одговорот до МКД.мк на Јавното обвинителство.

Според неофицијалните информации на МКД.мк, во домот на семејството Ременски биле пронајдени доверливи документи од случаите „Монструм“, „Диво Насеље“ и преписки на поранешните први луѓе на Управата за безбедност и контраразузнавање во МВР. Обвинителството ги демантира овие информации.

Сопругот на осомничената Ременски, Јовче Ременски, беше помошник директор во Управата за безбедност и контраразузнавање.

Во член 54 од Законот за безбедност на класифицирани информации пишува дека: „Ако се утврди дека лицето не постапува со доверливите информации согласно со овој закон или повеќе не е исполнет некој од условите врз основа на кои е издаден безбедносниот сертификат, директорот на Дирекцијата донесува решение за престанок на важење на безбедносниот сертификат и пред истекот на неговата важност. Во решението од став 1 на овој член не се дава образложение за причините за престанокот на важноста на безбедносниот сертификат“.

Во новата истрага за случајот „Рекет“ опфатени се 5 лица. Одземените предмети во овој случај се на вештачење, кое треба меѓу другото да утврди дали Јовче Ременски имал овластување од директорот на УБК да чува доверливи информации во својот дом.

Целиот текст прочитајте го ТУКА.