Инаку бројот на заразени со морбили во Македонија достигна над 960, а само минатата седмица беа регистрирани  126 заразени, што е голема бројка, а се очекуваше доколку не беше прогласена епидемија бројката и драстично да се зголеми.

Мерките што досега важеа за градовите каде што имаше прогласено епидемија сега ќе важат во целата земја. Тоа значи дека ниту едно невакцинирино дете нема да биде примено во градинка. Исто така, се намалува и старосната граница за вакцинирање со МРП од дванаесет на 6 месеци.

Со мерките се опфатении здравствените работници кои задолжително ќе се вакцинираат со две дози.

Вчера Светската здравствена организација повика на подобра покриеност со вакцинација против морбили, кои кај заболено дете можат да предизвикаат смрт или инвалидитет. Според податоците со кои тие располагаат во последните месеци, болеста се повеќе се шири „во земји со висока вакцинална покриеност, вклучувајќи ги и САД, како и Израел, Тајланд и Тунис.