Стопанствениците и се налутија на Владата, ниту се консултирани за прогресивниот данок ниту е отворена јавна дебата, се огласи и УЈП, тие веќе се подготвени за законот кој сеуште е само предлог.
Имено стопанствениците се револтирани што законот за личен доход со кој се воведува прогресивен данок на приходите над 1.500 евра, во Собранието ќе се носи без да се слушне што за него мисли бизнис секторот.
Четири стопански комори обвинуваат дека Владата работи спротивно на ветувањата дека ќе гради партнерски однос при креирање на легислативата.
Не му се даде можност на бизнисот да даде аргументи за реформата и не се испочитува рокот од 20 дена за забелешки, ниту оди во прилог на партнерскиот однос што владата го прокламира. – вели Дриљон Исени Комора на северозападна Македонија.
Владата има спротивен став, тврдат дека во законот се вметнати барањата на стопанствениците. Приходите се предвидени во буџетот и со нив ќе се финансира минималниот адекватен доход, растот на платите во здравството, подобрување на условите во градинките и училиштата и други проекти.
Важно е законот да биде донесен навремено, со цел истиот да стапи на сила од почетокот 2019 година како што беше најавено. Во текот на целата година во јавноста беше отворена дискусија за праведното оданочување и токму дел од барањата на стопанствениците беа земени предвид при креирањето на законот. – соопштија од Министерството за финансии.
Коморите бараа прогресивниот данок да се одложи за 5 години за да не се зголеми даночната евазија и работата на црно, а прагот од 1.500 евра според нив е многу низок и ќе удри на ИТ инженерите.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.