Здружението „Антикоцкање“, попови, оџи и граѓани од сите верски заедници – сите заедно го кренаа гласот против овој порок и нелегалната работа на објектите од кои најголем бенефит имаат само големите кланови.

Во Тетово има 35 казина и 100 обложувалници што се наоѓаат покрај училиштата. Револтот на граѓаните е многу голем бидејќи не сакаат казината да бидат во близина на училиштата каде што учат деца, а исто така има и казина што се наоѓаат покрај верските установи и другите јавни установи. Свештениците побараа заедничка борба против, како што велат, „гревот кој ги уништува младите.“
Протестот го поддржа и градоначалничката Теута Арифи.

Таа побара на локалните власти да имаат поголема контрола врз отворањето и работата коцкарниците. Новиот Закон за игри на среќа кој треба да се донесе следниот месец предвидува објектите да бидат минимум 3 километри оддалечени од секое населено место и развивање на национална образовна стратегија која ќе укажува на штетните последици од коцкањето.