Како што пренесува РТЦГ, непознат напаѓач со силиконска маска на лицето рано изутринава со огнено оружје рани две машки лица во црногорскиот град Будва.

Според РТЦГ, се работи за лицата Горан Словиниќ и Драган Марковиќ, коишто се пренесени во хируршката болница во Котор.

Ранетите се надвор од животна опасност, а нападот е извршен со автоматско оружје марка „шкорпион“. 

Будва е приморски град во Црна Гора. Центар е на општината Будва и има 13,338 жители. Брегот околу Будва, наречен Будванска ривиера црногорски: Будванска ривијера), е центарот на туризмот во Црна Гора и е добро познат по неговите песочни плажи, богат ноќен живот и прекрасни градби во стилот на средоземноморската архитектура.

Будва е град стар околу 2 500 години, што го прави еден од најстарите населени места на брегот на Јадранското Море.