Денеска околу 10.15 часот пред црквата “Св.Спас“, кај Градските гробишта, полициски службеници при преземање на службени дејства биле физички нападнати од четири лица, соопштуваат од МВР.

Како што соопшти полицијата, сеуште се трага по еден од четворицата напаѓачи кој денеска претпладне го повреди полицаецот во Велес, пред цркавата „Св.Спас“ кај градските гробишта.

Тројцата напаѓачи се приведени во Полициска станица, а полицаецот со прострелни рани се наоѓа вон животна опасност.

Утрово околу 10.15 часот пред црквата “Св.Спас“, кај Градските гробишта, полициски службеници при преземање на службени дејства биле физички нападнати од четири лица.

Едно од нив на полицискиот службеник Е.М.(46) му го одзело службениот пиштол и пукало кон него. Е.М. бил префрлен во здравствена установа во Скопје за укажување на лекарска помош. Тројца од напаѓачите се приведени во полициска станица. Се преземаат мерки за расчистување на случајот, изјави за Телма портпаролот на СВР Велес Верољуб Додевски.

Доктор Тодор Јаковлевски, портпарол на ЈЗУ Општа болница, изјави дека повредениот полицаец кој бил донесен во болницата нешто по 11 часот се здобил со четири прострелни рани во абдоменот и една во колено и засега е вон животна опасност.