Пет лица загинаа, а 21 се повредени по пукање во близина на градовите Мидленд и Одеса во западен Тексас.

Вооружениот напаѓач отворил оган од својот автомобил, по што бил убиен од страна на полицијата која го бркала на паркинг.

За сега не се објавени детали за загинатите, но еден од повредените е 17-месечно момче што било застрелано во лицето и било однесено во болница во Одеса.

Ова е второ масовно пукање во Тексас овој месец.

Во инцидентот повредени се околу 21 лицe, но за сега не е позната нивната здравствена состојба.

Властите јавуваат дека се уште не е познат и мотивот за нападот.