После почестите пртовокации на САД  и како одговор на американското поставување на систем за ракетна одбрана во Романија, Русија одлучи да распореди стратешки бомбардери Тупољев (Ту-22М3) на полуостровот Крим 

» Русија планира да постави бомбардери, кој можат да носат нуклеарни бомби, во воздухопловната база Гвардескоје на Крим – изјави шефот на Одборот за одбрана и безбедност на Горниот дом на рускиот Парламент, Виктор Бондарев.

Русија го анектира Крим во 2014 година, а рускиот претседател Владимир Путин денеска беше на Полуостровот по повод петгодишнината од анексијата. 

Според украинскиот Устав, Кримскиот Полуостров, се наоѓа во составот на Украина, а политички е поделен на Автономна Република Крим и Севастопол град кој има посебен статус. До март 2014 година Крим бил во состав на Украина кога пратениците во парламентот на Автономна Република Крим со Декларацијата за независнот на Крим од 11 март 2014 година прогласиле независност на Крим од Украина, во што учествуваат и претставниците на Севастопол, додека на референдумот кој е одржан на 16 март 2014 година, жителите на Крим изгласале припојување на Крим кон Русија. Украина не ги признала резултатите од овој референдум како ни неговата легалност.

На 17 март Врховниот совет на Крим ја усвоил резолуцијата за независност од Украина и се обратил до Русија за прием на Република Крим во составот на Руската Федерација, за веќе на 18 март 2014 Република Крим влегува во составот на Руската федерација врз основа на договорот кој го потпишале рускиот претседател Владимир Путин и лидерите од Крим.

Истиот ден и Севастопол постанува дел од Руската федерација како град со федерален статус.