Познатата српска пејачка Радмила Манојловиќ, доживеа пекол откако цели шест часа била испитувана и на крајот била депортирана од Швајцарија каде требала да настапува.

Имено како што објави српски „Блиц“, таа во Швајцарија била задржана нешто повеќе од шест часа поради проверка за на крајот да не и биде дозволено да влезе во земјата. Пејачката била депортирана накај Белград од аеродромот во Цирих.

Сексипилната пејачка која краде воздишки, Рада Манојловиќ стана популарна после шоуто на „Ѕвездите на Гранд“. Таа требаше да настапува во Швајцарија, но како што објави српски Блиц, бидејќи немала виза не и било дозволено да одржи настап пред своите обожаватели.

Според информациите до кои дојде српскиот портал, Рада во 17 часот била приведена за проверки и веднаш потоа од аеродромот во Цирих депортирана во Белград.

Имав виза, се беше платено и отпечатеноо, платен и данок за мојот настап, а не ме пуштија затоа што немам работна виза во пасошот. Немам виза во пасошот затоа што тие не работеа поради Ноќта на вештерките. Многу ми е жал за публиката. Јас концерти не откажувам ниту кога сум мртва болна. Настапот повторно ќе го закажеме, овој пат нема да биде празник се надевам. Бирократија е тоа, не сум прва ни последна со ваков проблем – рекла пејачката.