За да владините функционери и Заев обезбедат иднина, прво треба да ја согледаат реалноста, а реалноста во Македонија се одликува со криза, живот на рати, политички поделби и откажувања, порача денеска на протестот од Скопје лидерот на Вмро-Дпмне, Христијан Мицкоски!

ицкоски ги повика граѓаните масовно да учествуваат на антивладините протести и навести дека викендов ќе биле носени клучни одлуки на штета на државата.

Зоран Заев не е во можност себе си да си обезбеди иднина, а не пак на Македонија и народот.

Заев стана изолиран со платеници и клиентелисти во личната битка за задржување на фотелјата наместо битка за спасување на државата, вели тој!

Мицкоски рече дека Заев е подготвен да ја плати секоја цена, ама тоа ако може да го плати со туѓи синови и ќерки, и на туѓ грб само за да ја спаси својата кариера, а таа кариера нему му обезбедува власт и пари.

Наместо да кажува дека обезбедува иднина и да ни ја ревидира историјата Зоран Заев треба да замине во историјата и да се тргне од премиерската функција. Колку навреди треба да искажат бугарските политичари Захариева и Каракачанов за да му текне на Заев дека овој народ го плаќа?

Лидерот на ВМРО-ДПМНЕ Христијан Мицкоски со остри пораки во антивладиниот протест што се одржа во главниот град.