Реал Мадрид е заинтересиран за купувањето на играчот од средниот ред на Манчестер јунајтед, Пол Погба. Според „The Sun“ 26-годишниот Французин е главната трансфер цел на „кралскиот клуб“.

Реал Мадрид е подготвен да понуди 125 милиони фунти за Погба. Претходно беше објавено дека Французинот сака да игра под раководство на Зинедин Зидан. Неговиот договор со „црвените ѓаволи“ истекува на 30 јуни 2021 година.

Погба настапува за Манчестер Јунајтед од 2016 година.

Оваа сезона, Погба настапи на 37 натпревари за клубот од „Олд Трафорд“, постигна 14 гола и оствари 10 асистенции.

Инаку, Зинедин Зидан го претрпе првото разочарување по враќањето на клупата на Реал Мадрид, пишува ОКДИАРИО, а се наведува дека еден од клучните фудбалери кој тој го посакувал на лето за да изврши реструктуирање на составот бил токму Лукас Ернандез.

Французинот веќе го официјализираше трансферот во Баерн Минхен, каде ќе се пресели на лето и тоа за сума од фантастични 80 милиони евра, а кога Кралевите стапиле во контакт со неговиот агент Мануел Гарсија, одговорот бил јасен – задоцнета реакција.

Секако интересот на Реал Мадрид за Ернандез ќе значи ново разнишување на односите со Атлетико Мадрид по случајот со Тео Ернандез, а по тоа разочарување, Кралевите се ставиле во брза реакција за Милитао од Порто, фудбалер кого Зидан не планирал да го ангажира, а тој не бил ниту на листата на желби кај францускиот стратег.