Во Република Македонија гласале вкупно 927.640 граѓани или 51 отсто од вкупно запишаните 1.814.263 во Избирачкиот список!

Коалицијата „Можеме“, предводена од СДСМ, според првичните неофицијални резултати од ДИК, освои тесна победа на предвремените избори што се одржаа вчера во Република Македонија!

Според Државната изборна комисија, „Можеме“ имаат 46 мандати, ВМРО ДПМНЕ освоија 44 пратенички места, ДУИ 15, Алијанса 12, Левица 2, ДПА 1 мандат. 

„Победи иднината! Следува правда! Патот напред е потврден, на опасноста ѝ кажавме јасно ‘Не’“, кажа Заев.

-Можеме и тоа како можеме. Успеавме народе мој со убедлива и стабилна предност во моментов од над три пратенички мандати пред ВМРО-ДПМНЕ, со можност за еден или два уште повеќе, нашата коалиција „Можеме“ е победничката коалицијата на овие парламентарни избори, најголемата, најразноликата,  најмоќната и победничката, тоа е „Можеме“, рече Заев.