Од вчера во Албанија, затворени се 4 300 кладилници.

Со пристигнувањето на Новата година, во Албанија стапија во сила неколку значајни одлуки што Владата ги донесе во последните два месеца. Една од нив е затворањето на кладилниците, кои за 2 дена се затворени рекордни 4 300 кладилници низ државата.

Забраната исто така се однесува и на онлајн кладење и коцкање, не само на кафулиња со кладилници.
Коцкањето е дозволено само во елитни хотели со пет ѕвездички и тоа само ако се наоѓаат надвор од урбани подрачја. Коцкањето во Албанија беше еден од најголемите проблеми.

Во земјата според статистиката со 2,8 милиони жители , имало една кладилница на 670 жители.
Албанскиот премиер Еди Рама беше под жесток притисок на сопствениците на кладилници , но сепак Законот се изгласа и од вчера е на сила.

Во сила денеска стапи и одлуката која е во интерес на земјоделците, за кои таксата од 20 проценти за увоз на земјоделска механизација се укинува.