Мојата цел е да победам и да го вратам социјалдемократскиот сојуз на победничките шини, изјави вчера во Тема на денот на Сител Фросина Ременски, кандидат за нов лидер на СДСМ.
Ја барам поддршката од искрените борци и членови на социјалдемократскиот сојуз кои што сите овие години знаат како функционирала партијата особено во времиња кога сме се соочиле со една длабока опозиција, знаат да ги следат напорите и трудот, конзистентноста во ставовите и секако да го наградат оној кој што сметаат дека поседува капацитети да ги врати победничките бои на социјалдемократскиот сојуз, рече Ременски.
-Јас ниту пред ниту по мојата кандидатура немам комуникација со претседателот Зоран Заев, затоа што самите внатрепартиски избори и самата одлука на Централниот одбор на СДСМ го дава правото на секој кандидат кој ги исполнува условите согласно статутот и правилникот на партијата да поднесе кандидатура и да ја збогати токму таа внатрепартиска демократија.
Не сметав дека треба да добијам дозвола доколку имам идеја, капацитет, тим и секако разбирање за потребите на членството, рече Ременски.
Во однос на ставот на Заев дека ја поддржува кандидатурата на Димитар Ковачевски и на неговото присуство на владини средби заедно со Заев, Ременски изјави дека не смета дека е хендикеп и неправилно тоа што тој учествувал на владините средби.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.