Португалскиот фудбалски ас, Кристијано Роналдо е осуден на 23 месеци затворска казна и финасиска глоба од 18,8 милиони евра за затајување на данок во Шпанија.

Според законите во Шпанија Роналдо нема да ја одлежи затворската казна, бидејќи виновникот ако е осуден на казна затвор помала од две години и таа е од ненасилна природа и ако му е прва, не оди зад решетки.

По вчерашниот меч за Јувентус, Кристијано Роналдо веднаш одлета во Шпанија, каде што утринава се појави во шпанскиот суд, кој требаше да му ја изрече казната за затајување данок.

Роналдо ја призна вината дека во периодот од 2011 до 2014 година кога беше член на Реал Мадрид затајувал данок од маркетинг.