Денеска се одржа седница на Советот на јавни обвинители каде започна постапката за разрешување на шефицата на СЈО Катица Јанева.

Вилма Рускоска по Седницата даде изјава пред новинарите кои се распрашуваа за приведената обвинителка.

-Ниту премиерот Зоран Заев, ниту други политичари не се спомнати во исказот на Јордан Камчев, рече денеска шефицата на организираниот криминал.

По однос на записникот кој протече во јавност, таа беше децидна дека по завршена истрага се дава препис за истрагата и за осомничените на одбраната.

Прашана кога повторно ќе го викнат Бојан Јовановски Боки 13 на сослушување, таа кажа дека за сега нема потреба.

Рускоска беше децидна дека се работи интезивно на финансиската истрага за Рекет.

Прашана дали Катица Јанева ќе бара домашен притвор поради наруена здравствена состојба, Рускоска рече дека не е запозната со тоа.

Советот на јавни обвинители денеска се одржа зад затворени врати поради тајноста на истражната постапка за случајот „Рекет“ која е се уште во тек.