По седницата на Советот на јавни обвинители шефицата на организираниот криминал Вилма Рускоска даде изјава пред новинарите кои ја прашаа за „Рекет“. Таа беше децидна и изјави дека Јордан Камчев освен дека Зоран Заев пријавил, не спомнал други полтичари во исказот кој Јордан го даде вчера пред обвинителката.

Таа исто така беше прашана дали Бојан Јовановски поввторно ќе биде повикан да даде исказ во ОЈО за случајот Рекет, Рускоска рече дека кога ќе оцени дека треба би го повикала.

Рускоска рече дека не знае дали се подготвува барање за Јанева да излезе од притвор поради многу нарушено здравје и потврди дека се уште трае истрагата за документот со исказот на Камчев кој излезе во јавност.

На прашање дали Камчев го имал тој документ, Рускоска појасни дека записници на сведоците и на лица за кои се бараат потребни известувања, не им се доставуваат, туку пред завршувањето на истражната постапка кога ќе се донесе известување за завршена истрага, тогаш препис се дава на одбраната и на осомничениот.

Рускоска рече дека се уште се работи на финансиската истрага и дека за дел од парите знат каде се, а за дел работат на тоа.