Очекував повеќе признанија за вина, не само од еден, истакна пред два дена обвинителката Вилма Рускоска по завршувањето на судењето за одвоената постапка за предметот „Рекет“ во кој обвинетиот Зоран Милевски – Кичеец призна вина.

Обвинителката Рускоска пред новинарите рече дека се познава со мајката на Боки 13, со каја биле иста генерација и се познавале од прво одделение.

Јас лично Боки го запознав кога првпат отидов да гостувам на таа телевизија, а во ресторан сум била со него само кога беше прославата на 1ТВ и толку од нашите седења и дружења по ресторани. Сето она друго што го кажа е невистина, истакна Рускоска.

За почетокот на воведниот збор каде го спореди предметот „Рекет“ со филмот „Чарлиевите ангели“, обвинителката Рускоска рече дека таа направила аналогија со тој филм.

Секако дека сум го гледала, но не сум ја гледала македонската верзија, документарецот што тие си ја снимаа за себе и затоа почнав со Чарлиевите ангели, мислејќи на документарецот, рече Рускоска.

Собраниската Комисија за прашања на изборите и именувањата денеска го отфрли барањето на поранешната специјална обвинителка Катица Јанева за добивање апанажа.

Одлуката на Комисијата беше донесена едногласно, а членовите се согласија дека барањето на Јанева за апанажа било голема дрскост.

Екс специјална обвинителка Катица Јанева пред судот кратко рече дека не чувствува ни трошка вина за кривичното дело злоупотреба на службената положба, за кое Обвинителството ја гони во случајот „Рекет“.

Обвинителката Јанева до Основниот кривичен суд во Скопје беше спроведена од куќен притвор.