Меки и вкусни компири во комбинација со сирење се одличен прилог за јадења со месо, а ако се послужат со салата можат да бидат и главно јадење.

За сите оние кои го сакаат вкусот на печени компири и сирење, а при тоа се љубители на едноставни и брзи рецепти, ние сме сигурни дека оваа идеја ќе ви се допадне.

Состојки:

1 кг компири
200 гр свежо сирење
400 мл кисела павлака Пекабела
50 гр сувомеснато Пекабеско
сол
зачин
масло

Начин на подготовка:

Компирите излупете ги, исечкајте ги на парчиња и гответе ги 7-10 минути во солена вода. Сувомеснатото исечкајте го на коцки и кратко пропржете.

Подгответе прелив од сирење и павлака, посолете и добро измешајте.

Во намастен плех наредете ред компири кои сте ги посипиле со зачин. Преку ставете пропржено сувомеснато, половина од филот од сирење. Преку филот повторно наредете компири и залијте ги со чаша вода во која се готвеле компирите.

Посипете со зачин и прекријте со слој фил од сирење. Добро намастете и запечете 30 минути во рерна загреана на 180 степени.

Добар апетит!