Американската војска изведе сајбер напад на компјутерските системи на иранската армија, откако Американскиот претседател Доналд Трамп се предомисли од плановите да изведе војни удар на Иран поради оборањето на дронот на САД, соопштија денеска американските служби.

На сајбер нападот против Иран цел била иранските постројки за лансирање на ракети и на разузнувачката мрежа.

Американските медиуми се повикуваат на неименувани официјални претставници и известуваат дека нападите се спроведени со одобрение на американскиот претседател Доналд Трамп.

Сајбер нападите врз иранските воени компјутерски системи, почнале веднаш откако Иран го урна американското беспилотно летало пред само два дена.

Информацијата за сајбер нападите доаѓа по изјавата на Трамп дека во последен миг се предомислил за конвенционален напад на воени мети во Иран.

„Вашингтон пост“ известува дека цел на хакерските напади биле компјутерите за контрола на лансирањето проектили и ракети, а „Јаху њуз“ пишува дека друг напад бил насочен против шпионската мрежа, што го надгледува минувањето на бродови низ Хормушкиот теснец.

Најверојатно овие хакерски напади биле испланирани  уште пред неколку недели, а американските воени претставници ги предложиле како одговор на нападите на нафтените танкери во Хормушкиот теснец.