САД понудија помош на Иран за соочување со коронавирусот, но Иранската Влада одби билокаква помош од Америка посочувајќи дека најмногу би било од помош кога би ги укинале санкциите.

– САД повеќе би помогнале кога би ги укинале санкциите и со тоа ќе ги ослободат ресурсите на Иран за да може да се бори против вирусот, се наведува во соопштението на иранската Влада.

Претседателот на Америка,  Доналд Трамп на прес-конференција во Белата куќа посочи дека САД нудат помош за Иран, Северна Кореја и други земји.

Исто така и врховниот верски лидер, ајатоолахот Али Хамнеи ја одби американската помош

– Имаме многу непријатели, а САД меѓу нив е најлош…. А сега сакаат да ни помогнат. На САД би им било подобро да ги помогне своите граѓани.Во такви околности никој не треба да обрнува внимание на таквите понуди, истакна Хамнеи.

По примерот на Иран, вчера и  пакистанскиот премиер Имран Кан ги повика САД да ги укинат санкциите кон Иран.

За потсетување, Иран е една од земјите каде е жариштето на Коронавирусот.  Како што беше соопштено од иранското Министерство за здравство до саботата регистрирани се над 20.000 луѓе со новиот коронавирус, од кои 1.556 починаа.