Верувале или не британската кралица Елизабета Втора може да патува без пасош каде и да посака. 

Таа е владетел на Велика Британија, Канада, Австралија, Нов Зеланд и уште 12 кралски земји од Комонвелтот, а секако тоа носи многу привилегии, меѓу кои и патувањето без патнички документи во странство. Интересно е тоа што оваа привилегија ја има само таа, кралицата Елизабета Втора, и оваа привилегија не важи за другите членови на британското кралското семејство.

До сега кралицата има посетено 116 земји во светот, и ќе биде запаметена во историјата како британски монарх кој посетил најмногу земји. Таа освен во земјите со кои владее, може да патува без пасош низ целиот свет.  Привилегија е и тоа што кралицата има моќ сите британски пасоши да се издаваат од нејзино име. Кралицата исто така има имунитет за кривични гонења, има право да ѝ објави војна на која било земја, има право да вози без возачка дозвола… како и многу други права и предности…

Инаку целосното име на кралицата Елизабета втора е Елизабета Александра Мери Виндзор и е родена на 21 април 1926. Таа е кралица на шеснаесет независни држави и нивни прекуморски територии здружени во сојузот наречен Комонвелт. Според Вестминстерскиот статут од 1931 год., таа ги носи круната и владетелската титула на секоја од тие држави посебно и подеднакво; сепак таа е жител и најдиректно вклучена во Велика Британија, нејзиното најстаро кралство, во кое нејзините предци владееле повеќе од 1000 години. Стапила на тронот во 1952 год.