Сопственикот и главен спонзор на ФК Вардар Сергеј Самсоненко најави повлекување од клубот, во тој случај  најголемиот македонски фудбалски шампион ФК, Вардар се наоѓа во многу тешка ситуација.

Клубот Вардар се наоѓа во тешка финансиска криза,и сега ќе се соочи со нова трансформација кога се работи за сопственичката структура. За иднината на ФК Вардар уште не е познато што може да се случи и какви би биле последиците.

 Сергеј Самсоненко сака да се повлече од Вардар и за тоа го извести Град Скопје. Градските власти очекуваат да бидат подмирени сите долгови кои се настанати изминатиов период и Вардар да биде во онаква ситуација во каква што му го предадоа на Самсоненко во 2014. година.

Дарко Панчев, легендата на македонскиот фудбал се уште е официјален спортски директор во клубот,тој изјави дека работите наскоро ќе се променат и стабилизацијата на клубот откако ќе се врати клубот во сопственост на град Скопје.

„Се случуваат некои работи кои веројатно не се добри ни за клубот, бидејќи никогаш тие промени и тоа исчекување не носат ништо добро. Но, што да се прави, ние сме тука, и Илија Најдоски и јас, подготвени сме за соработка. Секако, доколку новите луѓе од Градот кои ќе дојдат сметаат дека Илија и јас со нашето искуство можеме да му помогнеме на клубот, секако дека ќе седнеме и ќе се договориме“, изјави Панчев во интервју за српски „Вечерње Новости“.

ФК Вардар е македонски фудбалски клуб од Скопје кој моментално игра во Првата македонска фудбалска лига. Клубот игра на Филип II Aрената во Скопје со моментален капацитет од 33.460. ФК Вардар е најтрофејниот и најпознатиот македонски фудбалски клуб, со освоени 10 национални првенства и 5 национални купови.