По објавата на фотографиите како советникот на министерот за надворешни работи, Владимир Сарафов во два наврати длабоко спие на работното место, со боси нозе на масата, се потрудивме да дознаеме која е неговата историја.

Имено Сарафов е актуеелен советник во кабинетот на Димитров задолжен за секторот национални приоритети, дијаспора и малцински прашња. 

Странките кои се обиделе да остварат средби со Сарафов два пати успеале и да го фотограгираат како тешко “го одработува” дипломатскиот леб.

Имено за Сарафов кој важи за човек близок на државниот секретар при МНР, Виктор Димовски, кој од полицаец преку безбедњак стана дипломат, за прв пат се дозна по апсењето на брат Љубе (Љубе Бошковски) актуелен специјален советник за странски инвестиции во кабинетот на премиерот Зоран Заев.

Имено Владимир Сарафов, е човекот кој му се јави на Љубе на телефон и го повика на средба во ресторанот „Воденица“ на денот кога е приведен.

Тоа е истиот Владимир Саравоф, член на претседателството на Обединет за Македонија, вработен на висока позиција во МНР. 

Владимир Сарафов може да го видиме и од престојот на премиерот никола Груевски во Калифорнија – САД, каде го обезбедува фирмата “Блек Вотер“, која е инволвирана и во настанот во Дива Населба во Куманово, пренесе Народен глас во јуни 2016 година.

Сарафов во МНР имал и физички пресметки со колеги. 

Имено Владимир Сарафов и човекот кој пред околу 12 години физички нападнал свој колега во Виена во ОБСЕ (изгледа се работи за дипломатот Тавчиовски), при што му нанел телесни повреди кои морале да бидат амбулатно санирани.

Истиот Сарафов, се збори дека во 2008-ма година имал физички пресметки со тогашната амбасадарока на Македонија во Хаг, Добринка Тасковска, по што бил вратен од мандат. Дополнителни два инциденти имал во самото МНР, еднаш со закани кон колешка, кои биле пријавени во полиција, а следниот пат со физички напад кон колега на кој му нанел телесни повреди, за кои исто бил пријавен во МВР. Но, очигледно е дека на ваквиот неработник и насилник, некој му е заштитник, а се шпекулира дека тое е државниот секретар Виктор Димовски. По се изгледа дека раководството на МНР го (зло)употребува Сарафов, за создавање на конфликти по нарачка и за тормозење на некои од неподобните колешки или колеги.

За возврат, се збори дека Виктор Димовски му ветил на Сарафов дека ќе биде испратен на мандат во Австрија, каде исто така учествувал во физички пресметки во минатото, доколку успее да испровоцира некои “идеолошки неподобни“ вработени во МНР.

Но, она што денес е различно од порано, е што Сарафов за прв пат сега е официјален член од кабинетот на министерот, заедно со другите 16 свои колеги. Зачудува фактот што министерот Димитров одбрал ваков насилник во својот кабинет, но исто така и молкот од МНР за недисциплината на овој дипломат кој е директно потчинет на шефот на македонската дипломатија. Ваквите вработени во дипломатијата, но и немањето на реакција од министерот Димитров, само создаваат дополнителни стереотипи во однос на капацитетот на МНР и на сите чесни и трудољубиви дипломати кои вредно си ја заработуваат својата плата во оваа институција.

Во меѓувреме, иако се обидовме, сепак фотографии од Сарафов кога не спие, нема.