До крајот на денов во нашата држава времето ќе биде сончево и МНОГУ ТОПЛО со умерена локална облачност.

Ќе дува умерен до засилен ветер од југозападен и од северозападен правец, максималните дневни температури на воздухот ќе се искачуваат во интервалот од 28 до 35 степени.

Потоа и во следните денови ќе се задржи претежно стабилно, суво и многу топло време. Температурите на воздухот ќе бидат за околу десет степени повисоки од нормалните и ќе се искачуваат во интервалот од 28 до 35 степени. Во најтоплите предели истите има услови да се искачат и малку над 35 степени.

Во недела и на почетокот од следната недела во попладневните часови ќе има услови за ретка појава на краткотраен локален пороен дожд и грмежи.

НАПОМЕНА: До крајот на неделава ќе продолжи транспортот на Сахарска прашина и песок, па затоа и атмосферата ќе биде заматена а времето мачно и спарно.

Подготви: Славчо Попоски